Lehkhabu bawm; English poetry 118 awmna HANDPRINTS ON THE CLAY tlangzarh

Laltlankimi poetry bu, Handprints on the Clay (A Journey from the Darkness into the Light) tih chu February 4 khan Vanapa Hall-ah Prof. Rinpari Ralte, Department of Psychology, Pachhunga University College in a tlangzarh. English poetry 118 awmna he lehkhabuah hian a ziaktuin kawng hrang hranga rilru lama harsatna leh manganna a lo tawh dan leh, chumi aṭanga Pathianin a hruai chhuah tak dante tarlan a ni. Lehkhabu hming innghahna hi Jeremia 18:6 a ni nghe nghe.

Hemi ni hian lehkhabu behchhana documentary movie siam, Handprints on the Clay (Mental Health and Christianity) chhuah nghal a ni. He documentary hian original soundtrack, Lalthlanawma sak “Beiseina Eng” a nei tel bawk. University of Hyderabad-a doctoral research bei mek Laltlankimi hian kum 2016 khan English novel Faith & Fate a lo tichhuak tawh bawk.

Handprints on the Clay hi Rs 250 man niin, Fraser Media and Publications chhuahsak a ni.