Aizawl Day vawi 133-na pualin Band Contest buatsaih dawn! ; February 11 ral hmain Demo thehluh theih

A vawikhatna atan February 25, 2023 hian AMC buatsaihin, Aizawl Day kum 133-na chu Lammual-ah ropui taka lawm a ni dawn a, hetah hian cheng nuai khat dawn theihna tur band contest buatsaih a ni ang. He band contest a tel turte chuan hla pathum an nei tur a ni a, an hla zinga pakhat chu Demo (Live Video cover) ah siamin February 11 ral hma ngeiin an thehlut tur a ni. Band member turte hi AMC area chhunga mi E- ROLL a awm ngei an ni tur a ni a, kum tling lo an nih chuan an Local council hriatpuina lehkha an kengtel tur a ni thung.

Demo hi phone no. 9862519779 ah whats-app emaw telegram-ah emaw thehluh theih a ni ang.

Contest neih chhunga che ṭhate hnenah hian mimal chawimawina best - drummer /guitarist/basist/vocalist/keyboardist te thlan an ni bawk ang. Tun ṭum atan chuan band lar tawh sa tan tel a rem rih dawn lo thung.

Hriatchian duh nei tan 96150 24210/ 8787864679-ah te biakpawh mai theih an ni.