GIG Motors Mizoram Fight Night-ah Mizo Idol star Hmangaihi leh David Darlong

GIG Motors leh Zonet Cable Pvt. Limited buatsaih, Mizoram Fight Night chu zanin hian a hmawr bawk a ni dawn ta. Boxer rorum tak takte ring chhunga an inkhuainuai hmain mit leh beng titlai turin, Mizo Idol 2022 star pahnih an inlan dawn .

Mizo Idol season 7-naa mipui lawm hlawh leh huhang nei lian tak pahnih, Mizo Idol 2022 T. Vanlalhmangaihi leh, 2nd runner up David Darlong te'n kalkhawmte an awi hmasa phawt dawn a, hei ngawt pawh hi kal chhan tling khawp a ni nghal.

Hei bakah, Fight Night round tir lam en tawhte chuan boxer-te theuneu loh zia an hrechiang tawh ang a, a ṭhazual thlitfim an nih tawh bawk avangin inhnek en man hi a to lo a, Rs 100 leh Rs 200 chauh sengin Dawrpui Multipurpose Centre-ah inhnek ṭan hmain ticket hi mipui lei theih turin chhawpchhuah a ni ang. Hall chhungah hian mipui an len hnem loh avangin ticket lak hma a fuh ang.