Eminem fanu, Hailie Jade leh Evan McClintock inhual

American rapper ṭha mi, Eminem-a'n a hla thu tam taka a lo chham fo tawh ṭhin, a fanu Hailie Jade leh a bialpa Evan McClintock-te chu kum ruk chhung zet an inzui hnuah Thawhṭanni khan an inhual. He thu hi Hailie chuan Instagram kaltlangin a puang a ni.

Social media lamah a darh rualin mi ṭhahnem takin lawmpuina thu an tarlang nghal a, heng zingah hian Aly & AJ bakah “I Need a Doctor” hlaa Eminem thawhpui Skylar Grey pawhin lawmpuina thu a thawn.

Kumin kumtir khan, 50 Cent chuan kum 2001 a tihchhuah semi-autobiographical film "8 Mile" chu television series-ah chantir tumin Eminem nen an thawhdun thu a lo puang tawh a ni.

November khan, Hailie chuan Rock & Roll Hall of Fame, class of 2022 lawmluhnaah a pa hi a telpui a, Eminem rual hian Dolly Parton, Eurythmics, Carly Simon, Duran Duran, Lionel Richie, Pat Benatar leh Neil Giraldo-te pawh lakluh an ni.