Kiara leh Sidharth an innei ta!

Shershaah co-star, Kiara Advani leh Sidharth Malhotra-te chu Thawhlehni, February 7 khan Suryagarh resort, Rajasthan-ah an innei ta.

An inneih hnu lawkah social media lamah an inneih thlalakte hi tarlang nghalin, "Tunah chuan nghet takin kan inzawm ta. Kan zinkawng zawh turah in mi hmangaihna kan dil e," tiin an ziak.

Kiara leh Sidharth inneihnaah hi sawmbik mi tlemte chauh an tel a, Bollywood star Shahid Kapoor & Mira Rajput, Karan Johar, Isha Ambani & Anand Piramal, leh Juhi Chawla a pasal Jay Mehta te'n hun an hmanpui.

Kiara Advani leh Sidharth Malhotra-te hi kum 2021-a Shershaah an chan aṭangin sawi zawm an ni ṭan a, Sidharth hi Kargil War hero Captain Vikram Batra lemah changin, Kiara hi a ngaihzawng Dimple Cheema

lemah changin 'public darling' an ni zui nghal a, tunah chuan an thawnthu hi a tak ram a thleng ta a ni.