XXXTentacion thihnaah Drake a inhnamhnawih : Lawyer

Kum 2018-a Florida motorcycle store kawta kahhlum tak, American rapper leh singer-songwriter XXXTentacion thihna phenah Drake chuan inhnamhnawihna thuk tak a nei niin case buaipuitu lawyer pakhat chuan a sawi. XXX thihna chungchang hi Florida-ah trial kalpui mek a la ni.

XXXTentacion, a hming tak Jahseh Onfroy hian a boral hma khan social media kaltlangin a thih tur thu hi hrelawk ni awm takin a sawi fo a, a lo thi ta a nih pawhin Drake vanga thi a nih thute a lo sawichhuak hial tawh; mahse a hnuah a thusawiah a inhnukdawk leh a ni.

Drake hi kum 20 mi rapper thihnaah hian a inhnamhnawih tih finfiahna mumal tak a awm lo. XXX kaphlumtu mi pathum Michael Boatwright, Dedrick Williams, leh Trayvon Newsome-te chu June 18, 2018 khan dawr rawk tuma an kal chu, dawr kawta lo awm ve XXXTentacion chu va nangchingin XXX-a Louis Vuitton bag-a pawisa USD 50,000 an chhuhsak hnuah Boatwright hian a kaphlum zui ta niin mita hmutute chuan an sawi. An pathum hian inhremna pek theih sang ber, first-degree murder thubuai ziahluh an ni.