Toy Story, Frozen leh Zootopia chhunzawmna kan hmu dawn

Disney CEO Bob Iger chuan animation film ngainatute tana thu lawmawm rawn puangin, “Toy Story” , “Frozen” leh ‘Zootopia’ chhunzawmna siam turin hmalakna kalpui mek a nih thu a sawi.

Kum 1995 aṭanga tihchhuah ṭan, “Toy Story” franchise-ah hian chapter pali leh spin-off pakhat 2022-a tihchhuah “Lightyear.” an siam tawh a, animation film hlawhtling ber pawl tiha chhal ngam a ni. Khawvel huap box office-ah “Toy Story 3” leh “Toy Story 4”-te phei kha chuan USD tld 1 chuang ve ve an hailut tawh a ni.

Hetih lai hian, kum 2013 aṭanga tihchhuah, 1844 fairy tale 'The Snow Queen' aṭanga rawn piang, "Frozen" kha a hlawhtling rem rem hle a, a bikin naupang lawm a hlawh hle a nih kha! A chhunzawmna "Frozen 2" phei kha chuan worldwide box office-ah USD tld 1.4 chuang a hailut.

Disney animated feature film 55-na, kum 2016-a tihchhuah Zootopia pawh khan USD tld 1 chuang a hailut bawk. An tihchhuah hun tur hi chiang taka puanzar la nilo mah se, animated film-ah na na na chuan anni pathum tluka en chakawm hi a tam bik viauin a rinawm loh a ni.