OnePlus-i'n India ramah product thar 7 tlangzarh

Pete Lau leh Carl Pei-a'n December 16, 2013-a an din, company ṭhangduang tak OnePlus chuan India ramah an huang rawn zauh belh zelin, an product thar tlangzarhna hun 'Cloud 11 event'-ah product chi sarih an pholang.

OnePlus 11 5G, Android tablet hmasa ber OnePlus Pad, leh second-generation OnePlus Buds Pro 2 leh, 81 Pro mechanical keyboard khuhhawnna an nei a; Indian market bikah hralh chhuah turin OnePlus 11R, OnePlus TV 65 Q2 Pro, leh OnePlus Buds Pro 2R TWS earbuds an tlangzarh tel bawk.

"1+4+X" chu eng nge?

OnePlus chuan an company-i'n "1+4+X" product strategy an kalpui tur thu sawiin, hemi awmzia chu an product zingah smartphones chu an insawrbing nasat berna tur a ni. Customer-te chuan an ecosystem zauh zelin OnePlus smartphone aṭangin TV, tablet, earbuds, leh wearables-te awlsam zawkin an thlunzawm thei tawh dawn a ni. "X" hian khawsak awlsam zawka puihna kawnga an thil siamchhuah heng, smart bulbs, keyboards, styluses, leh AIoT-enabled products dangte a entir thung a ni.