India-a IG post like tu ngah ber Kiara leh Sidharth inneih thlalak

Bollywood nupa tuak thar, Kiara Advani leh Sidharth Malhotra te inneih thlalak chu India ram bika Instagram post like tu ngah ber a ni ta a, he thu ziah lai thleng hian mi maktduai 14.6 chuangin an like tawh.

A hmaa like hmu tam ber record chelhtu chu Alia Bhatt kha niin, Ranbir Kapoor nena an inneih thlalak khan like mtd 13.19 a nei. December 2021-a innei Vicky Kaushal leh Katrina Kaif inneih thlalak khan like mtd 12.6 chuang a lo nei tawh bawk a ni.

Kiara leh Sidharth-te hi Indian celebrity zinga an inneih thlalak like tu ngah ber an ni nghal bawk a, mi sawmbik tlemte hmaa innei ni mah se, an chanchin hian ngaihven a hlawhin ngaihventu an tam tih tarlangtu pakhat a ni.