2023 Billboard Woman of the Year atan SZA thlang

Grammy-winning singer-songwriter SZA, a hming tak Solána Imani Rowe chu Billboard Woman of the Year dawng tura thlan a ni.

Kum 33 mi, rapper SZA hian December 9, 2022 khan "SOS album chu tichhuakin a hlawhtlinpui hle a, Billboard 200 album chart-ah kar sarih chhung zet pakhatna dinhmunte pawh a lo hauh tawh a, a album a hlate pawhin mi ngainat leh lawm a hlawh hle.

SZA studio album hmasa ber, Ctrl (2017) pawh kha a hlawhtling hle a, R&B hmeichhe artist zinga US Billboard 200 chart a cham rei ber a ni. 60th Grammy Awards-ah khan Best New Artist nominee zingah a tel nghe nghe. SZA hian A-list artist rual heng Nicki Minaj, Beyoncé, Maroon 5, Kendrick Lamar-te pawh a lo thawhpui tawh a ni.

SZA hi Olivia Rodrigo (2022), Cardi B (2020), Billie Eilish (2019), Ariana Grande (2018), Selena Gomez (2017), Madonna (2016), Lady Gaga (2015) leh, Taylor Swift (2014) -te hnungzuiin tunah chuan artist ropui leh danglam bikte huangah thailuh a ni thei tawh a ni. Billboard Women in Music Awards hi Youtube Theater-ah March 1 hian semchhuah a ni ang.