Tom Cruise a'n King Charles coronation vangin 'Mission: Impossible' shooting ṭhulh rih

Tom Cruise chuan Britain lal, King Charles lallukhum khumtirna hun, coronation-ah tel a tum avangin a film project hmachhawpte chu a chawlhsan lailawk tih  a puang.

King Charles hi May 6 hian London-ah Britain lal a nihna nemnghet a, lallukhum khumtir a ni dawn avangin "Mission Impossible" shooting pawh chawh rih a tum thu Cruise chuan a sawi a ni.

Tom Cruise thutlukna hian "Mission: Impossible" film-a production staff hnathawkte chu a tihrilhhai hle a, mahse Cruise erawhin tel a tum ruh hle tih a sawi thung.

Hetih lai hian British lal chhungkaw inkara thawm neuh neuh rawn siamtu, Prince Harry chu "olive branch" huanga sawm zingah a tel dawn nia sawi a ni.

King Charles hi London-a Westminster Abbey-ah official a lakluh a ni dawn a, royal expert Katie Nicholl chuan a memoir-a a pa nasa taka sawiseltu, Harry chu a pa hian a ni pawimawhah hian a sawm ngei a rin thu  a tarlang.