Chawngtinleri rorelna a la tawp lo

Ṭhazual Lengzem chart-ah Michelle Varte 'Chawng­tinleri' bawk pakhatna a ni leh a, Eddie Pachuau 'Lairil hmangaihna' chu pahnihna niin Mimi Remruatsangi 'Vul zel rawh aw' chu pathumna a ni bawk.

Chart hmasaah khan Michelle Varte hla nalh tak leh music video hmuhnawm tak 'Chawngtinleri' hi pakhatna a ni tawh a, tun chart-ah pawh hian pakhatna bawk ni lehin khum thei an la awm lo a ni.

John Mawitea leh Mapuii Fanai-te hla phuah, hmanlai lasi lalnu 'Chawngtinleri' chanchin behchhan hla hian ngaihthlak a hlawh hle tih a hriat a, YouTube-a music video an dah pawh thla thum chhungin mi nuai 1.6 chuangin an thlir tawh. Chart hmasaa a lan hnuah khan mi sing 1.6 velin an thlir leh tawh tihna a ni a, mipuiin an hlut tih a hriat.

Eddie Pachuau 'Lairil hmangaihna' chu chart hmasaah khan pangana a ni a, tunah erawh pahnihnaah a rawn invawrh ta a, dinhmun ṭha bera ding turin hmabak a nei eng hle niin a lang. Hetihlai hian Chart-a No.1 hial pawh lo ni tawh MDM artist tharlam tak  Mimi Remruatsangi 'Vul zel rawh aw' erawh pahnihna aṭangin pathumnaah a tawlh hniam ve hret thung a ni.

Rohlupuii 'Her sual lo' pawh hi hma sawn ber zinga mi a ni a, chart hmasaah khan pasarihna niin tunah palinaah a rawn inhlangkai ve leh a, a dinhmun a sawh nghet chho zel dawn em tih chu hriat chakawm tak a ni. Didika Chhakchhuak chuan 'I bei reng si' hmangin Top 5 a rawn khar ve leh bawk a ni.

1    Michelle Varte    -    Chawngtinleri

2    Eddie Pachuau     -    Lairil hmangaihna

3    Mimi Remruatsangi     -    Vul zel rawh aw

4    Rohlupuii     -    Her sual lo

5    Didika Chhakchhuak     -    I bei reng si 

6    Fela Colney & Temami     -    Beisei bo

7    Rualthana     -    I tan

8    Empy     -    Ṭhapui

9    Jaui     -    I tan chauh

10    Hoxy     -    A beidawng lo