Money Heist tawpna tur Season 5

Netflix Spanish series en hlawh tak mai Money Heist chu season ngana an siam leh dawn a, mahse hei hi season tawp ber tur a ni tawh dawn thung.

Kar tawp liam taah khan Netflix chuan hemi chungchang hi an tarlang a, kar hnih liam ta khan Money Heist creator Álex Pina chuan season 5 chu a buaipui ṭan leh tawh tih a lo sawi tawh bawk. Netflix chuan season 5-ah hian a changtu thar an awm dawn tih an sawi bawk a, nimin lamah khan season 5 production hi an ṭan leh tawh niawm tak a ni.

Professor tia an sawi Álvaro Morte chu season 5-ah hian a chang leh dawn tih a chiang a, Úrsula Coberó (Tokyo), Itziar Ituño (Lisbon), Pedro Alonso (Berlin), Miguel Herrán (Rio), Jaime Lorente (Denver), Esther Acebo (Stockholm), Enrique Arce (Arturo), Darko Peric (Helsinki), Hovik Keuch­kerian (Bogotá), Luka Peros (Marseille), Belén Cuesta (Manila), Fernando Cayo (Coronel Tamayo), Rodrigo de la Serna (Palermo), Najwa Nimri (Inspector Sierra), leh José Manuel Poga (Gandía)-te pawh an chang leh dawn tih a chiang tawh.

Money Heist season 5 hi Spain, Denmark, leh Portugal-ah an chang dawn a, episode 10 a awm tih tarlan ni tawhin tlangzarh hun tur erawh an la tarlang tel lo.