V-DAY PUAL THISEN PÊK RÛNPUI

Association for Vuluntary Blood Donation (AVBD), Mizoram State AIDS Control Society (MSACS) leh blood bank-te chuan vawiin hian Mizorama blood bank hrang hrangah Valentine's Day pualin thisen pek rûnpui an huaihawt leh dawn.

V-Day Blood Donation Camp-ah hian thisen petute hnenah rose pek zel a ni dawn a, hun hlimawm tak hman a ni ang. Hmangaihte puala thisen pe turin ṭhalaite an sáwm a ni.

Aizawlah chuan Chanmari YMA Hall-ah thisen pek rûnpui huaihawt a ni dawn a, Mizo mi lâr ber berte'n thisen petu apiangte hnenah rose an lo hlân hnâp zel dawn a ni.

He hun hi MDM-in thláwpin, a ṭul angin an pui dawn a, Mizo zaithiam lâr ber berte an che dawn; a pui dawn e! HIV/AIDS chungchanga inzirtirna hun hman a ni nghal bawk ang.

V-Day hi hlimhlawp leh nawmchenna atan ringawta hmang liam lo a, thisen pek hmanga mi dangte tana malsawmna nihna hun remchanga hmang turin Mizo ṭhalaite sàwm kan ni a. Chawhma dar 10 aṭangin thisen pek ṭan theih a ni ang.