MGK nen an inṭhen anga thuthang a darh hnuah Megan Fox-i'n a IG account a titawp

Megan Fox leh a pasal hual, Machine Gun Kelly chu an inṭhen nia social media lama a darh chiam hnuah, Fox chuan Thawhṭanni khan a Instagram account a titawp.

Fox chuan caption-ah Beyonce "Pray You Catch Me" hla thu la chhuakin, "Mi rinawm lohna kan tem thei e, i thaw ah zawng zawng a nam," tiin, a thlalak bakah fire pit-a envelope a hal lai thlalakte a tarlang bawk a ni.

Fox hian a IG account aṭangin MGK nena an thlalak leh video zawng zawng a delete vek a, January 2022-a an inhualna thlalak pawh a paih fai vek.

A account a tihtawp hma deuhin a pasal hual nena inhal tak, Eminem chu IG-ah a follow zui bawk.

Fox leh MGK hi March 2020-a indie thriller "Midnight in the Switchgrass" shooting an neihna aṭangin an inzui ṭan niin an sawi. Film production chu Covid-19 hripuiin a bawhbuai tak vangin tihtawp ni mah se, Fox leh Kelly hi inhuat loh hmel taka an chhuakdun lai hmuh an nih fo hnuah an inngaihzawn thu hi vantlang hriatah an puangzar a ni.

Kum 36 mi, Fox hian 2023 Grammys semnaah best rock album nominate zingah a tel avangin Kelly hi a zui a, red carpet pawh an zawhdun a, Super Bowl party Zirawp zana neihah pawh khan an la inzui. Kum 32 mi MGK erawhin an inṭhenna thuthang chungchangah thil sawi a la nei lo a, a profile-ah pawh "Jennifer's Body" star hi a la lang reng a ni.