Kum 6 hnua Super Bowl entu tam ber ṭum a thleng

Thawhṭanni zinga neih zawh tak, Super Bowl kha entu makatduai 113 vel awm angin an chhut a, kum hmasa nena khaikhinin a punna hi 6% vel niin, kum ruk liam ta chhunga entu tam ber ṭum a ni.

Rin lawk ang ngeiin Rihanna halftime performance kha viewers tam lai ber niin, RiRi zai lai hi mi mtd 118.7 velin an en anga chhut a ni a, kum 2015-a Katy Perry performance chiah a phak lo a ni.

RiRi hian State Farm Arena, Arizona-ah minute 14 dawn a perform a, hetah hian a hla hit 12 a sa hman. May 2022 khan ASAP Rocky nen an fa hmasa ber a hring a, "Kumina zai tura min sawm khan, thla thum mi fa ka pai tih in hre lo em ni," tiin Apple Music Super Bowl LVII Halftime Show nei tura an sawmna chu mak a tih thute a sawichhuak hial.