2022 chhunga Entertainer sum lalut hnem ber GENESIS; Swift leh Bad Bunny pawh an lang

Forbes chuan nimin khan Entertainer zinga sum lalut hnem zual hming 10 a tarlang a, English progressive rock band Genesis chu a chungnung ber a, rimawi khawvela kum ṭha hmang liamtu Taylor Swift leh Bad Bunny hming pawh langin, top 10-te sum lakluh belhkhawm hi USD tld 1.3 chuang a ni.

1. Genesis - Kum 2022 chhunga Entertainer zinga sum hailut hnem ber chu Progressive rock band Genesis an ni a, September 2022 khan an music rights chu USD mtd 300 in Concord Music Group hnenah hralhin, an tour na aṭangte leh, recorded music royalty aṭangin sum an lalut a ni.

2. Sting - Grammy vawi 17 lai lo dawng tawh; Police frontman hlui Sting chuan February 2022 khan Universal Music Group hnenah a musci rights chu USD mtd 300 velin a hralh a, chhiahte a pek tlak hnuah USD mtd 210 vel lalut anga chhut a ni.

3. Tyler Perry - Actor-director-writer-studio mogul Tyler Perry chuan film, BET TV leh production backlot aṭangtin USD mtd 175 chuang a hailut a, list-a vawi hnih a lanna niin, USD tld 1 chuang nei awm chhun a ni bawk.

List a lang dang te:

'South Park' leh 'Book of Mormon' siamtu Trey Parker & Matt Stone chu palina an ni a, kum 2021 khan Paramount nen kum ruk chhung USD mtd 935 pe turin inremna an ziak.

Khawvel huapa cartoon family lar ber pawl "The Simpsons" siamtu James L. Brooks & Matt Groening chu pangana an ni. Lemchan khawvela mi hrang Brad Pitt chu paruknaah awmin, English rock band chuai thei lo Rolling Stones, director hlawhtling ber zinga mi James Cameron, Taylor Swift leh Bad Bunny te'n an dawt a ni.