Joker sequel-ah Lady Gaga kan hmu ta!

Joker director Todd Phillips chuan “Joker: Folie à Deux,” thlalak thar rawn pholangin, fictional couple lar ber zinga mi lem chang turin Lady Gaga leh Joaquin Phoenix nemngheh an ni ta.

Official taka puanzar awm lo mah se, Gaga hi psychiatrist - Harley Quinn lema chang tura rin a ni a, Arthur Fleck(Joker) nena an hmangaihna lam te tarlan a ni ang. "Suicide Squad" (2016), "Birds of Prey: And the Fantabulous Emancipation of One Harley Quinn" (2020) leh, "The Suicide Squad" (2020)-a Harley Quinn lema lo chang ṭhin, Margot Robbie chuan hun hmasa lamah Quinn lema chang turin Gaga tluka ṭha an awm bik chuan loh tur thu a lo sawiri tawh a, tunah chuan sawi nawn ngai loin Gaga chu kan hmu dawn tih a chiang tawh a ni.

New York leh Los Angeles-ah shooting hi neih chhoh mek a ni a, en chakawm viau tawh mah se, kan nghah rei deuh a la ngai dawn a, October 4, 2024 hian US theatres-ah tlangzarh a ni chauh ang.