Science & Environment; SpaceX-i'n khawvela launch vehicle chak ber enchhin

Khawvela pa hausa ber dawttu; Elon Musk-a company SpaceX chuan launch vehicle chak ber ni tura an sawi 'Starship' enchhinna an kalpui.

SpaceX-i'n 'Starship' hi hlawhtling taka an kalpui a; an duhthusam anga an tum ramte an thleng thei a nih chuan, operational rocket system chak leh thiltithei (powerful) ber a ni ang. Rocket hi SpaceX R&D facility Texas leh Mexico inrina, Boca Chica-ah enchhinna hi neih a ni.

Starship hi SpaceX rocket hmasa ber Falcon 1 leh, a successor Falcon 9, leh Falcon Heavy behchhana siam a ni.

Starship hi Earth orbit, thla, Mars leh a piah lam thlenga mihring leh bungrua phur thei leh hmannawn theih, fully reusable transportation system ni tura duan a ni a, metric ton 250 thlenga rit a phur thei.

Twitter CEO chuan engine 33 siam a nih thute sawiin, engine pakhat chu tihthih a ni a, engine pakhat dang erawh amahin a tawp thung a, engine 31 in hna an thawk mek a ni, a ti. Hetiang zata tam engine rocket siam chhuaktu chu Soviet Union kha niin, kum 1960 chhoah N1 rocket kha thlaa inkahchhohnan an hmang a, vanduaithlak takin a hlawhtling zo ta lo thung a ni. N1 hian engine 30 nei mah se, flight paliah a hlawhchham vek avangin he project hi tihtawp zui a ni.