Blake Lively leh Ryan Reynolds te'n an fa palina nei

Hollywood couple lawm hlawh ber pawl, Blake Lively leh Ryan Reynolds-te chuan an fa palina an nei tawh niin khawthlang media-te chuan an tarlang. "Gossip Girl" actress hian a IG-a a thlalak post hmangin a pasal nena an fa palina chu a nei tawh tih a rawn nemnghet a ni. September 15, 2022 khan Blake chuan an fa palina chu a pai mek tih a vawikhatnan a sawilang a ni.

Blake leh Reynolds-te hi "Green Lantern" shooting aṭanga inhmelhriat an ni a, kum 2011 aṭang khan an inzui ṭan a, heta ṭang hi chuan celebrity couple lawm hlawh leh, mipui duhrawn an ni zui. September 9, 2012 khan an inkutsuih ta nge nge a, tunah chuan fa pali James, Inez, Betty leh tuna an naute thar (a hming la puanzar loh) an nei tawh.