Inṭhenna thuthang karah MGK leh Megan Fox te'n V-Day hmang dun!

Khawthlang media te'n an inṭhen nia thuthang an thehdarh chiam hnu leh, ngaihbel theih ni awm taka Megan Fox-i'n a IG account a delete hnuah MGK leh Fox-te chuan Valentines Day an hmang dun leh daih!

February 14 khan kum 32 mi MGK leh "Transformer" actress-te hi an chhuak dun a, Agoura Hills, California-ah counseling specialists panin, darkar hnih chuang zet hun an hman hnuah lirthei hran ve vein an haw leh niin an sawi.

People-in a tarlan danin, "Official takin an inṭhen tih la puang lo mah se, Fox chuan an inhualna zungbun a phelh a, hun hmasa lama pawh buaina neuh neuh lo nei tawh ṭhin mah se, tun ṭum erawh an buaina hi a thuk zawk a ni," a ti.

MGK leh Fox-te hi engtin nge an awm chhoh zel dawn hriat a la ni lo a, ṭum khat lai phei kha chuan inneihte hial an tum hman a, an wedding party-naah Fox-i fate Noah (10) Bodhi (8) leh Journey (6) bakah Casie(13) te pawh hruai an tum thute, an chhungte leh ṭhianṭha bakah best man atan Pete Davidson hman a ni dawn a, Travis Barker leh Kourtney Kardashian te pawh sawm zingah hian an tel thu thlengin a darh hman a ni.