Feli Thangluah-i'n "Vankhawpui mawi" tih hla tichhuak

Zaithiam, lemchan-thiam leh, Dr Luke lead vocalist-te pawh lo ni tawh ṭhin, Feli Thangluah chuan "Vankhawpui mawi" chu a ti chhuak a, he hla hi SR Malsawmtluanga (Furtados school of music Academic Manager leh Head coach) phuah niin, Blue Wave Records, Chanmari West-a buaipui a ni.

Jazz lam hawi, Mizo rilrem pawl deuhin a music hi siam a ni a, music hi SR Sawmtea, ZR Sanga, Bz Sailo te buaipui a ni thung.

Mizo hla rawn ti hausatu zinga mi a nih ngei a rinawm a, Mizo pa irawm chhuaka Jazz music rawngkai rawn piang chho hi Mizo Music Industry tihausa tu leh tihmasawntu a nih ngei a rinawm a, he hla hi YouTube Music, Spotify, Amazon Music leh streaming platform dangah chhawpchhuah thuai tum a ni.

Durtlang nula, Zorini'n a hla hmasa ber tichhuak

Durtlang Nula, Zorinpuii Hrahsel chuan a hla hmasa ber tur "Fak ka nuam e" tih chu audio-in a ti chhuak. He hla hi country lam hawi a ni thung a, Zorini hian aw(voice) danglam tak a nei a, artist chhuakthar duhawm tak niin, Music Video pawh siam tumin hmalak mek a ni.