Mission Veng tlangval Lz-a'n darkar 22 tling loah kein km 100 a kal

Vanlallawmzuala Varte (LZa) s/o VL Chhuanawma, Mission Veng chuan darkar 22 tling lo deuh chhungin kein kilometer 100 a kal.

LZa hian kea km. 100 kal tumin February 16, Nilaini zing dar 7:15 khan an in a chhuahsan a, nileng leh Nilaini zan zankhuaa a kal hnuah nimin chhun dar 12 vel khan km. 100 kal tlingin, Kolasib leh Bilkhawthlir inkara Rengte tlangsang a thleng. Kea a kal hun chhung bik hi darkar 21:54 a ni.

Vanlallawmzuala hian thirsakawr hmangin ni khatah km. 200 chuang a lo tlân tawh bawk. Aizawl aṭangin Champhai leh Siaha te pawh a tlân thleng tawh a, Mariana Trench Challenge a zo tawh bawk.