Kum 76 miin kum 50 hnuah PhD hmu thar

Kum 1970 aṭanga PhD hmuh tuma inziaklut, Dr Nick Axten chuan kum 50 hnuah Fulbright scholarship kaltlangin University of Pittsburgh aṭangin mathematical sociology-ah PhD a hmu thar a, he degree a hmuh meuh chuan kum 76 mi lai a ni tawh.

February 14, 2023 khan University of Bristol chuan a nupui Claire Axten, leh a tunu kum 11 mi Freya-te hmaah Doctor of Philosophy hi an hlan a ni. Dr Axten hian Bristol University aṭangin Philosophy-ah MA bei turin a inziaklut a, heta a inziahluh pawh hian kum 69 mi a ni tawh. He University-ah vek hian Philosophy-ah PhD chu beih chhunzawm lehin, kum 2022 khan kum 75 mi niin a zo thei ta a ni.

Bristol University chuan Dr Axten-a thuchah chu rawn tarlang chhawng ve lehin, "Kan harsatna ṭhenkhatte hi chu a len em avangin kan hun ṭha ber berte kan ken a ngai fo ṭhin. Hun rei tak chhung ngaihtuahna thuk zawk nena beihte an ngai. Hei erawh chuan kum 50 chuang zet a mamawh thung a ni," a ti.