Tui chhungah minute 4 chuang in'muah': Record thar an siam

Beth Neale leh Miles Cloutier-te chuan tui chhungah minute li leh second ruk chhung zet an in 'kiss' hnuah tui chhunga in muah rei ber record thar an siam.

Kum 13 kalta khan Italian TV show 'Lo Show dei Record'-ah nupa pakhat chuan minute thum leh second 24 chhung in kiss-in Guinness World Record an lo siam tawh a, tunah erawh South Africa mi, Beth Neale leh Canada mi, Miles Cloutier chuan he record hi Maldives-a LUX South Ari Atoll resort-a swimming pool-ah an khum ta a ni.

Guinness World Record chuan video hi Instagram lamah tarlangin, "Tui chhunga in kiss rei ber minute 4 leh second 6 chu @onebreathbeth leh Miles Cloutier." tiin an tarlang a, entu mi nuai 10 chuang awm tawhin, mi lawm leh en a hlawh chho hle.