J-hope-a documentary 'J-Hope In The Box' tihchhuah a ni ta

BTS rapper, J-hope-a'n Lollapalooza zinkawng a zawh chhoh dan tarlanna documentary "J-Hope In The Box" chu Disney+ ah mipui en theih turin tlangzarh a ni ta. Lollapalooza hi kum 1991 aṭang khan Grant Park, Chicago-ah kumtina neih ṭhin niin, alternative rock, heavy metal, punk rock, hip hop, leh electronic dance music lam hawi rimawi lawmna kutpui lian tak huaihawt ṭhin niin, J-Hope hi South Korean artist zingah US festival lian headline thei hmasa ber a ni.

'J-hope In The Box' ah hian rapper-in ni 200 chhung performance nei tura a inbuatsaih dante, a debut solo album a buaipui dante leh, Korea leh US-a lamthiam rual a thawhpui dan thlengin chipchiar taka tarlan a ni a. A zai zawha a chhungte ngaihdan a lakkhawmte bakah, Lollapalooza performance a neih dante thlirletna hun hman a ni bawk.

BTS docu dang kan hmu hnai

Disney+ hian BTS lam kaihhnawih documentary dang "BTS Monuments: Beyond The Star" pawh tihchhuah mai theih tura an buaipui mek thu sawiin, member pasarihte hi chik zawka luhchilh an tum thu an thuchhuahah an tarlang. BTS documentary hi docuseries anga kalpui tum niin, kum kua kalta chhunga an music leh an zinkawng thara an hmachhawp neih dan thlenga tarlan tum a ni.

BTS hian hmanni lawkah concert film, Busan 2022 concert tarlanna "BTS: Yet To Come In Cinemas" chu an lo tlangzarh tawh bawk a, fanbase an neih ṭhat em avangin khawvel huap box office lamah pawh a thleng sang hle.