'Rennervations'-ah Anil Kapoor leh Jeremy Renner an thawkdun dawn

Disney+ reality series 'Rennervations'-ah lemchan khawvela sulhnu ngah tak pahnih, Bollywood pachal Anil Kapoor leh, Avengers star Jeremy Renner-te chu an inlan dawn tih official-a puan a ni.

Anil hi Hollywood project eng emaw zatah lo inlan tawhin, 'Slumdog Millionaire' leh '24'-ah te pawh hnehsawh takin role pawimawh a lo chelh tawh. An pahnih vek hian Tom Cruise-te nen 'Mission: Impossible Ghost Protocol' ah lo inlan tawh bawk mah se, 'Rennervations' hi screen-a an inlan dun ṭum khatna tur a ni.

Anil Kapoor leh Renner-te hi nikum khan Rajasthan, Alwar-ah hmuh dun an ni tawh a, hetah hian Rennervations chungchang an sawi niin rindan a piang ṭan. Kumin kumtirah Renner-a'n snowplow accident vangin a nunna a chan ṭhelh tawh a, Anil chuan an pahniha an thlalak dunna hi post-in "I dam leh vat theihnan kan ṭawngṭai pui reng a che," tiin a co-star a ngaihtuah zia twiiter-ah a tarlang nghe nghe.