The Pretty Reckless hla thar 'Death By Rock and Roll'

The Pretty Reckless chuan hla thar 'Death By Rock and Roll' an tichhuak a, hei hi kum 2016-a an album pathumna 'Who You Selling For' an tlangzarh hnua hla thar an tihchhuah leh hmasa ber a ni.

'Death By Rock and Roll' hi an producer thi ta Kato Khandwala hriatrenga tura an tihchhuah a ni bawk.

The Pretty Reckless hla thar 'Death By Rock and Roll' hi an album palina title tur a ni nghal a, Vocalist Taylor Momsen chuan," Kawng tam takah chuan kan album thar tur hi hun hmasaa let lehna ang deuh a ni dawn a, single hmasa ber  'Death By Rock and Roll' hi chhandamna ka music ngainat berin min thlenna lantirtu a ni bawk," tia sawiin, "Rock hi zalenna a ni," tiin a sawi zui. "He hla hi duh anga nun hmanna lam hla a ni a, a ngaithlatu zawng zawngte ta a ni nghal," a ti.

An album hmasa pathum producer  Kato Khandwala hi kum 2018 khan a thi a ni. The Pretty Reckless hi kum 2009-a indin kha niin studio album pathum an tichhuak tawh a, ram hrang hrang rock chart-ah an che ṭha thei hle. An vocalist Taylor Momsen hi kum 2000-a tihchhuah 'How the Grinch Stole Christmas' a hmeichhe naupang kha a ni a,  Gossip Girl hmangin lemchan khawvelah a hming chher viau hman mah se a tuina tak rimawi luhchilhin tunah chuan lemchan lamah hian a rilru a pe hrih lo hle.