Billboard Hot 100 leh 200 album chart-ah SZA leh Miley hming kan lam bang thei lo

Miley Cyrus studio album pariatna tur, " Endless Summer Vacation"-a a lead single 'Flowers' chu Valentine's Day karah a che hit hle a, a par mawina thliak thei an la awm meuh lo. Billboard 200 album chart-ah SZA "SOS" chuan kar kua chhung pakhatna dinhmun a hauh tawh bawk.

'Flowers' thliak thei an awm lo

January 13-a tlangzarh 'Flowers' hi kumin bikah chart-a pakhatna ni rei thei ber nihna a hauh nghal bawk a, khawvel huap chart hrang hrangah record thar eng emaw zat siam tawhin, kum 2013-a "Wrecking Ball" leh “We Can’t Stop” hmanga a record siamsate pawh a khum vek tawh.

US pop singer hian UK singles chart-ah pawh a zawnin kar nga chhung pakhatna dinhmun hauh tawhin, stream mtd 8.5 chuang a neih belh a ni.

SZA-i'n hnungtawlh a tum lo

SZA, a hming tak Solána Imani Rowe-i'n December 9,2022-a a tlangzarh, a studio album pahnihna "SOS" chuan hnungtawlh lam aiin hmalam a pan chho zel. "SOS"-ah hian artist ṭha rual heng, Don Toliver, Phoebe Bridgers, leh Travis Scott-te a thawhpui a, SZA aw pek dan mawi danglam tak avangin media publication lamin an fak hle a, kum 2022 tawp lama tlangzarh ni mah se, kum liam taa album zinga ṭha ber pawl tiin an sawi nghe nghe a ni. Hei bakah SZA hi a hlawhtlinna chhunzawm tumin SOS Tour nei turin a inbuatsaih mek a ni.