Robert Pattinson kiangah kum 5 chhung hlim takin hun ka hmang : Suki Waterhouse

English model, actress leh singer, Suki Waterhouse chuan Twilight star, Robert Pattinson nen kum nga dawn an inkara buaina leh harsatna liantham awm loa hlim taka an awm reng thei chu mak a tih thu sawichhuakin, Pattinson nen a rei berah thla hnih aia rei inhmu loa an awm ngai loh thu leh, lawm taka a la siam reng thei chu mak a tih thu hahipin a sawi.

"Kum nga dawn mi pakhat nen hlim taka ka awm thei hi mak pawh ka ti zawk. Ka phone-ah a hming emaw a text message ka hmuh apiangin keimahah phurna sang tak ka la nei a, kei ang bawk hian ani pawhin ka rilru ang hi a put ve ka ring. Sawi tur kan ngah thei hle a, min tihlimtu a ni." tiin an pahnih inkar a sawi.

Suki leh Pattinson-te hi kum 2018 aṭang khan an inzui ṭan a, milar tam takte angin media-te ngaihven hlawh zinga mi an ni ngai hran lo. June 2019 khan, Taylor Swift leh Joe Alwyn-te nen double date neiin an chhuak ho a, hemi hnuah an pahniha hun an hmang dun lai hmuh an ni chho ta fo a ni.

Tun thla tir khan an pahniha an chenna turin Hollywood Hills-ah USD mtd 5.3 man in an lei a, hei hian an inkar chu thui takin a tilang a ni.