Mizorama Indian Sign Language Interpreter hmasa ber Rody

Tiktok leh Instagram lama kan hriat lar em em, Rody Lalthanzuali (Rody5) chuan Indian Sign Language Interpretation chu Mizoa a hmasa ber ni turin AYJNISHD, Kolkata, West Bengal, Rehabilitation Council of India Recognised College aṭangin a zirchhuak.

Mizorama Indian Sign Language Interpreter kan neih hmasak ber niin, National Voter’s Day vawi 13-na Assembly Hall-a Election Commission of India-in a buatsaih Deaf (Bengngawng) te tana Interpreter-ah a lo ṭang tawh bawk. Persons with Disabilities (PwD), Mizoram leh National Empowerment for Multiple Disabilities ṭangkawpin Training Programme an neihnaah pawh Resource Person tura sawm a ni bawk.

Rody chuan rualbanlote tana a pawimawh zia sawiin, “Indian Sign Language hi kut zaizir hmanga bengngawng leh ṭawng lama harsatna neite’n ṭawng an lo hriatthiam ve theihna tura siam a ni a, India sokar laipuiin a ngaih pawimawh em avangin khawvel ṭawng (language) ah a puang hial bawk a ni," a ti.