IFPI 2022 Global Recording Artist Of The Year - Taylor SwiftIFPI 2022 Global Recording Artist Of The Year - Taylor Swift

Taylor Swift chuan kum 2022 chu ṭha taka a khar hnuah kum bul ṭha takin a hawng chho leh mek a, international trade group IFPI chuan kum 2022 chhunga Global Recording Artist of the Year atan an thlang.

He award hi Swift-i'n vawi thum a dawnna niin, IFPI-in tehfung an siam heng physical sales, download leh khawvel huap streaming nei/hralh hnem ber a ni. Swift hian kum 2014 leh 2019 khan he award hi a lo dawng tawh a, kum 2021 khan BTS phâk loin pahnihna a lo ni tawh a. BTS leh Drake te'n vawi hnih ve ve an lo dawng tawh bawk a ni.

Swift studio album 10-na "Midnights" kha October 2022-a tlangzarh a nih hnuah a hlawhtling hle a, Billboard 200-ah kar nga chhung zet pakhatna dinhmun a hauh bakah, US bikah tlangzarh karin equivalent album unit maktaduai 1.578 lai a hralhchhuak thei a; kum sarih hnuah kar khata album hralhchhuak hnem ber niin Luminate chuan a tarlang nghe nghe.

IFPI Global Recording Artists of 2022 Top 5

1. Taylor Swift

2. BTS

3. Drake

4. Bad Bunny

5. The Weeknd