IG-a hmeichhe follower ngah ber Selena social media aṭangin a inthiarfihlim!

American singer, Selena Gomez chu Instagram-a hmeichhe follower ngah bera puan a nih hnu lawkah social media aṭangin a inthiarfihlim rih dawn tih a sawi!

IG-a follower ngah ber ni ṭhin, Kylie Jenner (mtd 380) a lehpel aṭanga darkar rei lote hnuah Selena hi TikTok-ah live-in, "Social media hi ka chawlhsan lailawk dawn a ni. Kum 30 mi ka ni tawh a, ka upa tawh mah mah ," tiin, "Kan inhmuh leh thuai ka beisei. Engkimah chawlh lailawk ka mamawh a ni," tiin Selena chuan a TikTok account chu a deactivate zui bawk.

Buaina inṭan dan

Selena hian tunkar tir khan, TikTok-ah a mithmul chu ka duh aia tam ka laminate palh tih a sawi a, darkar thum hnuah Kylie Jenner leh Hailey Bieber te chuan Selena nuihsawh ni awm takin an mithmul chu tihpalh liau liau a nih thu an tarlang zui a, hei hi viral nghalin an pahnih hian an story chu an delete leh nghal a ni.

Kylie chuan Selena diriam tuma post an nih loh thu a tarlang nghalin, buaina awm miah loah buaina chawh chhuah phet tumah mipuite chu a chhuahchhal let zui a ni.

IG-a followers mtd 383 zet neitu Selena hian mental health vangin a hma pawhin social media-ah break a lo la tawh. Kum 2014 khan lupus a neih avangin mental health facility-ah enkawl niin, bipolar disorder vangin enkawl a lo ni tawh bawk. Selena-i fans-te chuan Kylie leh Hailey-te chetdan chu ngaimawhin an pahnih hian an unfollow nghal thu an tarlang liam liam a, khawngaiha lainattu ngah zawk chu Selena hi a ni.