Women Writers Meet buatsaih a ni dawn

SPARROW (Sound and Picture Archives for Research on Women) leh Department of English and Culture Studies, Mizoram University ṭangkawp chuan, 24th - 27th February, 2023 chhung hian, Tourist Lodge, Chaltlang-ah “Women’s Lives Women’s Words” tih thupui hmangin Women Writers Meet a buatsaih dawn. He hun hi hnam zia pho lanna tur leh ziak mi hmeichhiate kutchhuak lawmpuina a ni ang a, "Life Stories Stories of Life" tih thupui hmanga inkawmna leh sawi hona hun hman a ni ang.

India ram hmun hrang hrang: Assam, Mizoram, Sikkim, Meghalaya, Kutch, Gujarat, Pune, Mumbai, Tamil Nadu, Chandigarh, New Delhi leh Kolkata aṭanga lo kal ziak mi 26-in an kutchhuakte an chhiar chhuak ang a, sawihonain a zui nghal bawk ang. SPARROW din chhuaktu hi Dr CS Lakshmi a ni a, ani hi ‘independent researcher’ niin, Ambai tih hming puin thu leh hla tam tak a tichhuak tawh. Kum 2021 khan Sahitya Akademi Award pawh a lo dawng tawh a ni.