Kanye leh Adidas te'n Yeezy sneakers chungchangah inremna thar an siam

Kanye West chuan Juda mite huat theih zawng leh White Lives Matter chungchangah thuchhuah a siam avanga a clothing partner hlui, Adidas nen an inremna an tihtawp hnuah inremna thar an ziak leh ta.

Kanye leh German sportswear brand-te hian USD maktaduai 500 man hu Yeezy Sneakers la hralhchhuah lohte chu tiral turin inremna an ziak a, engtiang chiahin nge an tihral dawn erawh tarlan a ni lo.

He inremna hi kumina neih zawh hman tum niin, Yeezy product siamsa chauh thlurbing an ni thung ang. Adidas leh Ye-te'n nikuma inremna an tihtawp hnuah, Yeezy sneakers vangin USD tld 1.3 hu an hloh theih dawn a ni. Hei vang hian Adidas chuan Yeezy hming pu tawh loin Yeezy design chu hming thar nena zawrhchhuah an tum thute pawh an lo puang tawh a ni.

Kum 2013-a Air Yeezy sneakers an tihchhuah aṭang khan Adidas thuneitute chuan Yeezy-a thuneihna pumhlum chu an kuta awm a nih thu an sawi a, "A version leh colourway thar zawng zawngte chu kan kuta awm vek an ni. Kan rights-te hi kum 2023 kum tir lam thlenga hman ṭangkai kan tum a ni. Eng duhthlan theihnate nge kan neih tih uluk taka kan enfiah hnuah, thuchiang zawk kan tarlang leh ang," tiin thuchhuah an siam.