Science & Environment : March 1-ah Jupiter leh Venus an inhnaih dawn hle

Van lam zirmite'n “The perfect trifecta” tiha an sawiiah, kan solar system-a plantet lian ber Jupiter leh planet eng ber Venus-te chuan leilung piantirha thil thleng ngai zen zen lo an thlentir dawn. February thla tir khan, heng planet pahnihte inhlat zawng hi degree 29 a ni a, March 1-ah erawh degree 0.52 chauhin an inhlat dawn a ni.

Jupiter leh Venus hian tunhnai chhoah an inhnaih tial tial a, khawthlang lamah chiang lehzual zawk hmuh theih a nih tur thu space agency NASA chuan a tarlang.

NASA chuan heng planet intawk turte hian van sang chetvelna kawngah danglam thlen lem lo mah se, mihringina kan hmuh zen zen loh thil mawi leh thleng khat tak a nih thu an sawi.

Eng tika en tur nge?

Kan Horizon khawthlang-chhimthlang lam ni tlak aṭanga darkar hnu vel, pollution level hniamna hmunah en theih a ni dawn a, hmanrua hranpa ngai loin mit lawnga hmuh mai theih ni mah se, binoculars nei tan erawh lekchhuah a finthlak ang.