Fa dang ka neih leh neih loh chu Pathian thu : Nick Cannon

Nick Cannon chuan kar liam taa a fa 12-na an neih hnuah, fa dang neih belh chungchang chu Pathian kut a nih thu a sawi.

"The Masked Singer" host chuan, "Pathianin tawk a tih hunah chuan kan tawp mai ang, mahse, tunah chuan enkawl tur ka ngah ang reng hle," tiin fa 12 zet neih chu mawhphurhna a san thu a sawichhuak.

Chhungkaw enkawl leh hnathawhnaah rilru leh tha pekthiam a pawimawh zia sawiin, "Tu pawh mai hian hun vawn dik hi an sawi chamchi ṭhin. Chu zawng ai chuan tha (energy) khek thiam hi a pawimawh zawk. Kan insiamrem thiam chuan thil hi a kal zuih tawh mai a ni. Chhungkuaa ngaihdan inkalh emaw boruak a dul ruih emaw chuan kan thil tum angte tih puitlin a harsa ṭhin a ni," tiin kum 42 mi rapper/comedian ni bawk chuan a sawi.

Nick hian hmeichhia paruk hnen aṭangin fa 12 a nei tawh a ni. A nupui hlui, Mariah Carey nen kum 11 mi fa phir Moroccan leh Monroe; Brittany Bell nen Golden, Powerful Queen, leh Rise ; Abby De La Rosa nen phir vek Zion leh Zillion ; Abby De La Rosa nen Zeppelin, Bre Tiesi nen Legendary Love ; LaNisha Cole nen Onyx Ice fa an nei tawh a. Tunhnai khan Alyssa Scott nen Halo Marie nei lehin, kum khat liam ta khan an fapa Zen chu brain cancer vangin a chán thung a ni.