Spotify lalpa The Weeknd

Canadian singer-songwriter, The Weeknd chuan Spotify-ah a lal ram zauh zelin thla khat chhungin mi maktaduai 100 chuang zet a hla hi an stream a, artist zingah hetiang dinhmun thleng thei hmasa ber niin record thar duhawm tak a siam. "February 27 khan, The Weeknd chu Spotify chanchina '100 Million monthly listener' nei thei hmasa ber a ni," tiin an official social media account-ah hian an tarlang.

'Save Your Tears' hitmaker hnaihbertute hi Miley Cyrus (mtd 82.5), Taylor Swift (mtd 80.3), Drake (mtd 68.6)-te an ni.

The Weeknd hi artist danglam tak niin, a hlathute hi ama tawnhriat ngei aṭanga a phuahte an nih ṭhin avangin a hla ngaithlatu an tam ber hi a mak hran lo. Heng a hla "Can't Feel My Face", "Blinding Lights", "Save Your Tears" te hi ṭhalai sukpui dual dual theih vek an ni a, tun hnaiah Ariana Grande nena an thawhdunna "Die for You" remix chuan a vawrh lehzual hle a, mellung pawimawh tak a phun theih phah bawk a ni.

Hei bakah, HBO drama "The Idol"-ah inlan turin Toronto singer hi a inbuatsaih mek a, hetah hian Lily-Rose Depp, Troye Sivan, BLACKPINK member Jennie leh milar eng emaw zatte pawh inlan tur an awm bawk.