Oscars-ah 'Naatu Naatu'-i'n lamtual a thâi dawn!

Indian Telugu film hit tak, RRR soundtrack "Naatu Naatu" chu Oscars 2023 lamtual thai tura nemnghet a ni ta!

RRR film-a a changtu pahnih, Rahul Sipligunj leh Kaala Bhairava te chu a ngaite tein an inlan leh dawn a, he hla hi Best Original Song category dawng thei tur zingah chhawpchhuah a ni.

Bhanu Athaiya chuan kum 1983 khan “Gandhi” film vangin 'Best Costume Design prize' huangah Oscar award hi a lo dawng tawh a, India mi zingah he chawimawina sang dawng thei hmasa ber a ni. British costume designer John Mollo nen joint award hi hlan an ni.

Hetihlai hian, Superbowl Halftime show aṭanga thawm rawn lian chho tak Rihanna chuan Academy Award-nominated song 'Lift Me Up' chu a rawn din chhuahpui ve bawk ang. Academy Awards hi Oscars tihte pawha sawi ṭhin a ni a, kumin hi vawi 95 an semna tur niin, March 13 (India ramah) hian Los Angeles-a Dolly Theatre-ah semchhuah a ni ang.