Jungkook-a'n IG account a tihtawp chhan a sawi

BTS member zinga a naupang ber, Jungkook chuan rinlawk loh takin a personal Instagram account a titawp thut a, hun rei vak lo chhung chu a fans te an mangang hman hle.

Weverse Live-in an kawmnaah, Jungkook chuan a IG account a tihtawp chhan sawiin, "Instagram ka chhuahsan a, min hack sak lo e. Ka hman tam loh avangin ka delete ta a nih kha. Lo lungngai suh u. Engkim a ṭha vek a, Weverse Lives tih ka thlang zawk a ni!" tiin, "Kan hma hunah pawh hian ka hmang kher tawh lo maithei," tiin thuchhuah a siam zui.

Jungkook leh a BTS member pui RM, Jin, Suga, J-Hope, Jimin, V-te hi December 2021 khan Instagram khawvelah an rawn zuang lut a, kar loah followers maktaduai tel an nei nghal. Kum 25 mi zaithiam chuan album a buaipui loh thu sawichhuak bawkin, chawlhlailawk a thlan zawk rih thu a sawi a, hei vang hian Army te'n Jungkook album thar hi kan la hmu mai dawn lo niin a lang rih a ni.