Ngurthansanga'n hla thar tichhuak

Youth Icon 2019 Top 10 zinga mi, Ngurthansanga chuan tun lai boruak mil tak mai hla thar "Ṭhal awiin Leltepa'n" tih hla Pi Romani(L) phuah, Pi Siampuii Sialo-in thiam tak maia a lo sak tawh chu a rawn tuai thar leh ta. Video hi nikum lama Zonet Ṭhazual Best Video of the Year Gospel Award dawngtu RDS Shots kut chhuak niin, Music hi Chda Vh kut chhuak a ni a, Recordings hi Seraphic Record a ni thung.

Ngura hi Ṭhazual Award nominee a lo nih tawh mai bakah Ṭhazual Top Chart-ahte pawh a video tihchhuahte pawh eng emaw zat a lo lanpui fo tawh bawk a ni. Hei bakah hian, Folk Song lama sulhnu ropui tak nei a ni a, tun ṭuma mi pawh hi a mawi dangdai leh viau dawn tih a chiang hle. Video hi Zonet Cable TV leh MDM YouTube Channel-ahte en leh ngaihthlak theih a ni ang.