Megan Fox leh MGK te'n an inkar siamṭhat tumin therapy an kal ṭhin

Megan Fox leh Machine Gun Kelly-te chuan Zoom kaltlangin 'couples therapy' an kal ṭhin niin report chuan a tarlang.

Kum 36 mi "Transformers" star leh kum 32 mi rapper hi thla hmasa khan Super Bowl zawhah an inṭhen niin thuthang a darh chiam hman a, mahse, thu thar berin a tarlan dan chuan an inkar siamṭhat tumin theihtawp an chhuah a, an pahnih hian therapy an kal ṭhin niin an sawi.

Page Six chuan Nilaini khan, "MGK leh Fox-te hian Zoom kaltlangin couples therapist chu nitin an hmu ṭhin a, Megan chuan thutlukna tawp an siam hmain theihtawp chhuaha an inkar siamṭhat leh phawt chu ṭha a ti a ni," tiin a sawi.

Kum hnih zet an inzui hnuah, kumin January thla khan an inhual a, mahse, an inkara buaina siamṭhat tuma counsellors' office-te an pan hnuah online session lak hi an thlang leh ta zawk a ni. Megan hian guitarist Sophie Lloyd leh a pasal hual inkara ri ret ret awm erawh thu belhchian dawl lo tiin an puhnate hi a phatsak a ni.