Justin-a'n Justice World Tour a titawp!

Canadian zaithiam hmingthang, Justin Bieber chuan a taksa lam hrisel tawk lohna avangin Justice World Tour neih hmabakte chu a titawp.

Kum 29 mi hian, June 2022 khan Ramsay Hunt syndrome (RHS) a nei tih an hmuchhuak a, hemi hnuah a tour eng emaw zat a cancel zui a, July thla tawpah tour hi a chhunzawm leh nghal a ni. Tuna a tour cancel chhan tak erawh official-a tarlan a ni lo.

September 2022 khan, Justin chuan thil dang zawng aiin a hriselna chu a ngaih pawimawh hmasak ber a ngaih thu a lo sawichhuak tawh a, a tour official Twitter page-ah Thawhlehni khan ticket lo leilawk tawhte'n an sum an hmuhlet vek tur thu hi an tarlang zui bawk.

Justin hian US, Australia leh Europe bakah, naktuk March 4-a Manchester-a a zaina tur pawh a ṭhulh zui a ni. Hetih lai hian, fans ṭhenkhatte chuan ticket refund an dawn ngai loh thu an sawi a, tour a ṭhulh tak avang hian Justin chuan USD mtd 55 vel a chân phah dawn tihna a ni.