Victoria's Secret Fashion Show kan hmu leh dawn ta!

Khawvela fashion show ngaihven ber pawl, Victoria's Secret Fashion Show chu kum li zet chawlh lailawk an puan hnuah kumin aṭangin tharthawh leh tum a ni.

November 2019 khan Victoria’s Secret Fashion Show hi company chhungah thu inkalh a awm avangte, Les Wexner CEO fam ta Jeffrey Epstein-a'n hmeichhe naupang kum tling lo a khuaikhem chungchangah te leh, an sales tlakhniam avangin show hmingthang tak hi tihtawp a ni.

Hemi hnu, February 2020 khan an company chuan buaina thar hmachhawn lehin, Victoria’s Secret parent company L Brands’ chief marketing officer hlui Edward Razek chu "hmeichhe chunga hleilen, tiduhdah leh zar buai ching" tiha an puhna avangin buaina thuk zawkah an inbarhlut leh a, mahse an puhna te erawh Razek hian a pha thung. Razek hi eng nga ti nge plus-size emaw transgender emaw an awm loh tiha an zawhna chu "he show hi suangtuahnaa din a ni" tia a chhanna pawhin sawisel a lo kai hat tawh a ni.

Heng boruakte hi zawi muanga a daih chhoh hnuah kumin aṭang chuan khawvel huapa model ṭha chungchuangte Victoria's Secret Angels tih hming pua an chetla lai kan hmu leh thei tawh dawn a ni.