Kids Choice Awards sem zanah Taylor Swift, Harry Styles, BTS an dahsang

America rama naupangte'n kum liam taa television, film, rimawi leh sports lama mi bikte thlangchhuaka an chawimawina hunpui, kumtina buatsaih ṭhin- Nickelodeon Kids' Choice Awards chu nimin khan Los Angeles, California-a Microsoft Theater-ah semchhuah a ni a, rimawi huangah Taylor Swift, Harry Styles leh BTS-te chu an langsar ber.

He show hi Canadian TV host Nate Burleson leh, TikTok aṭanga social media star rawn ni chho ta Charli D'Amelio te'n an host a ni.

Swift hi favorite female artist-ah thlan niin, Midnights (3am Edition) vangin favorite album a hum haw. Styles chuan favorite male artist leh favorite global music star a dawng a, a hla hit em em mai “As It Was” pawh a phu ang ngeiin favorite song-ah thlan a ni. Hei bakah Swift-i zawhte duat leh, khawvel huapa ranvulh hlu ber zinga mi Olivia Benson chu favorite celebrity pet-ah thlan a ni bawk.

Sawi hmaih thiang lo an awm a, tu dang ni loin BTS an ni. BTS hian kum li chhung chu a zawnin Favorite Music Group an dawng tawh a, Kids’ Choice Awards bikah music group zinga award hum haw hnem Guinness World Record an chelh lai chu an pawhsei belh a ni.