Jenna Ortega leh Camila Mendes project tharah thawkdun dawn

"Wednesday" star Jenna Ortega leh, "Riverdale" actress Camila Mendes-te chu A24 project thar "Alba" tihah an thawkdun dawn.

Lemchanthiam pahnihte hi "The House of Bernarda Alba" behchhan film-ah Alba unau angin an rawn inlan dawn a, Netflix star pahnih rawn zawm tur hian "Top Gun: Maverick" aṭanga hming chher tak Danny Ramirez pawh biak fel a ni tawh a, an chetla lai en tawhte tan chuan hmaih phal chi a ni hauh lo ang le.

"The House of Bernarda Alba" hi Spainish play, kum 1945 daih tawha siam a ni. Bernarda Alba chuan a pasal a sun hnuah tihdan phung angin kum riat chhung a sûn a, mahse kawppui thar nei thei loa heti chen a awm chu Alba unaute ngaihdan a ni lo a, chu chuan an inchhungah inhmuhthiam lohna nasa tak a thlen zui bakah, a nu thu pawh zah zo loa a laka an hel zui dan chanchin chu tarlan a ni ang.

Jenna hi 'Wednesday' kha a hit em avangin mipui ngainat rawn a ni chhoh mai bakah, Thawhṭanni zinga sem tak Nickelodeon Kids' Choice Awards-ah khan Favorite Female TV Star (Family) award a dawng nghe nghe a ni. Ani ang bawkin Camila pawh hi "Riverdale"-a Camila role a chan hnehsawh em avangin Teen Choice Award 2017-ah khan Choice Scene Stealer award a lo dawng tawh bawk a ni.

"Alba" hi kumin nipui laia chan hman tura ruahman a ni.