India pain khawvela marathon hautak ber zinga mi a paltlang

Indian pa, Sukant Singh Suki chuan khaw-vela marathon hautak ber zinga pakhat, Australia-a neih ṭhin, Delirious W.E.S.T chu a paltlang a, kilometer 350 kal nan darkar 102 leh minute 27 chauh hun a hmang.

Delirious W.E.S.T hi February 8 leh 12, 2023 inkar khan neih a ni a, 'top 10 hardest 200 milers in the world' zingah chhiar tel a ni tiin Delirious W.E.S.T official website chuan a tarlang. Marathon hautak tak hi khawvela runner ṭha leh, tawnhriat ngah tak takte pawhin an paltlang theih loh a ni a, mi bik tlem té chauhin an paltlang theih a ni.

Suki chuan a zinkawng hi ama YouTube channel-ah dahin, a kal dan leh kalkawnga a harsatna tawh dan chungchangte a tarlang a ni. "Ka hringnuna chona hautak ber a ni a, kumkhuain ka theihnghilh tawh lo ang. Ramhnuai hlauhawm takah km 350 chuang i tlan thei a nih chuan, hringnunah hian thil theih loh tak tak a awm lo!!!," tiin, "He video hi i damchhan leh thiltum tihlawhtling tura chona angah min lo ngaihsak dawn nia," tiin Suki chuan a sawi.