Levi's brand Ambassador thar New Jeans Record thar nen Melon chart-ah BTS an lehpel!

South Korean girl group, New Jeans chuan an group hming mil tak turin denim brand ṭha eltiang Levi's nen inremna thar an siam a, an global brand ambassador thar atan an puang.

Millennials leh Gene-ration Z zingah Korean music leh fashion hi a tla na hle a, hei hi hriain Levis chuan girl group ṭhangduang tak hi inremna an neihpui ta tih Thawh-ṭanni khan an sawi.

New Jeans chuan, "Khawvel huapa jeans hmingthang ber zinga mi, Levi's nena kan thawkho thei hi chawimawina sang tak a ni a, kan phur tawh hle a ni," an ti.

Levi's-in May 20, 1873-a Levi's Rivet jeans an patent hriat-rengna hun '501 Day'-an buatsaih turah live performance nei turin New Jeans hi an inpuahchah mek a ni.

BTS record an lehpel

New Jeans hian an hla hit "Ditto" hmangin BTS "Dynamite" record an lehpel. March 5 khan, Melon Daily Chart-ah a zawnin ni 76 chhung pakhatna an ni a, group zingah chart a pakhatna dinhmun hauh rei ber an ni.