Tyga leh Avril inkar a chiang ta!

American rapper Tyga leh, "Complicated" hitmaker Avril Lavigne inkara thuthangte chu a thleng dik tlat mai le!

Kum 33 mi Tyga leh kum 38 mi Avril-te hi Paris Fashion Week event-ah an inzui a, hun hlimawm tak an hmang zui a ni.

Mod Sun-a'n a kawppui Avril nen an inṭhen tih a puan hnu lawkah, Tyga nen hian sawizawm nghal an ni a, kar liam ta khan Leonardo DiCaprio party-ah hmuh dun an lo ni tawh bawk.

Kum 2014-2018 inkar khan Tyga hi Kylie Jenner nen an lo inzui tawh a, an inṭhen hnuah Blac Chyna nen inzui lehin, fapa King Cairo Stevenson an nei a ni. Chyna bakah, Iggy Azalea leh Bella Poarch-te nen pawh sawizawm a lo ni tawh.

Hetih lai hian Avril erawh pasal vawi thum a nei tawh. Deryck Whibley nen kum 2006-2010 inkar khan an innei a, chumi hnuah, Chad Kroeger nen kum 2013-2015 inkar khan an innei leh. Hemi hnuah, Love Sux album lama a thawhpui Mod Sun nen March 27-a an inhual hnuah, February thla khan an inṭhen thu hi an puang fel leh a ni.