Lili Reihhart nena kan inngaihzawnna khan a ṭha lo zawngin min nghawng ve ve : Cole Sprouse

Riverdale series-ah Jughead leh Betty-te chu inkawprem viau mah se, a tak ramah erawh Cole Sprouse leh Lili Reinhart te inkar chu thawnthu dang daih a ni thung. Cole leh Lili-te hi kum 2017 aṭang khan an inzui ṭan a, harsatna neuh neuh an neih hnuah March 2020 khan 'Sprousehart' chu official-in an tihtawp thu an puang.

Lili nen an inzui dan chanchin sawiin, Cole chuan an inngaihzawnna khan a ṭha lo zawngin an pahnihah nghawng a neih ve ve tih a sawi.

Kum 30 mi lemchanthiam chuan a kawppui hlui apiangte'n a lakah an rinawm lohsan ṭhin thu a sawi bawk. April 2020 khan, Lili chu Kaia Gerber laka rinawm lohsanah mi tam tak chuan an puh a, hemi chungchang hi sawifiahin, "Ka fans ni awma insawiten thuthang dik lo taka min puhnate hi chu ka tuar dam thei a, belhchianna mumal awm loa ka ṭhiante, ka chenna leh thah tuma invaunate hi chu âtna chi khat a ni," tiin an puhna chu a chhang let.

Lili leh Cole-te hian kawng hran ve ve an zawh tawh a, Riverdale Season 7 leh, season hnuhnung ber ni bawk chu March 29 leh August 23, 2023 inkar hian pekchhuah a ni ang.